من اكبر اخطاء كل حد حابب يدخل بلوجر انه بيفكر اول حاجه في ادسنس وده اول طريق الفشل لانه نفترض ان مدونتك اتقبلت في ادسنس وانت عدد زوارك لايتخطي حتي ال ٢٠٠ زائر يوميا او حتي الالف تعتقد ان ارباحك هتكون كويسه لا طبعا مستحيل الي اهم من الشغل تظبيط الشغل
باختصار شديد
اختر اسم مناسب وقوي للزائر
يقدر اي حد يدخل مدونتك يتذكر الاسم بسهوله لو هتقدر تشتري دومين يبقي افضل ولو هتشتغل علي الدومين المجاني مفيش مشكله بس كل دومين فيهم بمميزاته وعيوبه اختار قالب وهنا نقطه لازم الكل يركز فيها اكبر خطآ انك تختار قالب وخلاص لا حاول تختار بعنايه عندك امكانيه تشتري قالب مدفوع او تستخدم قوالب اجنبيه وانت تعربها وتعدل عليها وده الافضل هتقولي معنديش خبره في التعديل هقولك الانترنت ملياااااان شروحات والي محاولش يجرب هيفضل فاشل دايما اعمل مدونه تجريبيه وحط القالب وعدل عليه براحتك ولما تحس انه وصلت لتعديل يرضي ذوقك انقله للمدونه بتاعتك الرئيسيه
وحذاري من القوالب العربيه اغلبها بيكون فيه حشو اكواد واضافات ملهاش اي ستين لازمه
كمان اشتغل علي السيو والارشفه وده بقي بدايه الشغل الصح انك تكسب ثقه محركات البحث وتكسب عدد زوار يومي محترم الكلام كتير جداااا والله لو حبيت اشرح ده كله محتاج الالاف المواضيع لكن والله بجد الحوار اسهل مما تتخيلوا لكن الفكره كلها في شخص حاول وبحث وجرب واتعلم ووصل وشخص معندهوش نيه يتعب نفسه خالص
هحاول الفتره الي جايه اقدملكم مساعده بشروحات بالتفصيل الممل بس بعد ما اخلص امتحانات الماجستير
